على الشاطي يغني الموج شوقي
وطيور النـورس تـردد ودادي
وحمام الدوح من حولي وفوقي
هديله قبل صوتي لـك ينـادي
أسابق روحي لكنهـا سبوقـي
وصلتك تقول أنا بيـن الأيـادي
بهذا اليـوم سلمتـك خفوقـي
وأخذت العهـد مابعـده بعـادي
وملكت الروح مع نبضي بعروقي
بواحد أربعه شي غيـر عـادي
بواحد اربعـه يـوم الشروقـي
نورك قبل عينـي فـي فـؤادي
أسرني حبـك ولانـي معتوقـي
ثواني البعد بسنين إضطهـادي
برضاك الكون يضحكلي واروقي
كأنـي طفـل تـوه بالمهـادي
ونفسي لغيـرك أبـداً ماتتوقـي
أنا مملـوك عهـدي والمبـادي
وإذا للموت سقت الروح سوقـي
معك تنساق ما تطلـب مفـادي
حبيبي رضاك هذا أبسط حقوقي
معك ضدي ومرادك هو مـرادي
إنت النور في عمري و شروقي
بلقاك يكون تـو العمـر بـادي
على الشاطي يغني الموج شوقي
يناديلـك بكـل حبـي وودادي
ليست هناك تعليقات:
إرسال تعليق