يمكـن نسيتينـي ويمكـن تغليـن
ويمكن عجزتي تعشقين بقناعـه
ويمكنها ضاعت مبادي المحبيـن
والغدر في عيـن الخيانـه شجاعـه
يمكـن تراهـا مالهـا اي قوانيـن
يمكن ؛؛ ضياع الحب في ظرف ساعه
يمكن ويمكـن دام فيهـا شياطيـن
تهوى الخـراب مفرقيـن الجماعـه
يمكن و يمكـن كلمـةٍ بيـن أمريـن
يمكن لهـا أوقـات ممكـن تراعـه
يمكن لو أتبع قول يمكن تضيعيـن
وأضيع في يمكن ورى كل إشاعـه
لكن أكيد إنـا علـى العهـد باقيـن
ولاهمنا اللي مرتوي من الوضاعـه
اللي على ظلم البشـر دوم ماشيـن
بنقل الوشايـه مسابقـين الإاذعـه
الله عليهـم ياخـذ الحـق آمـيـن
ويعلن مثيلـه مـن يـراه إرتداعـه
وليتك ياعمري من عنـادك تبريـن
يكفيه قلبـي ماجرالـه ... ولاعـه
بنيت لك في داخل القلـب قصريـن
ودولـة محبـة راسخـة بالمناعـه
وجيوشهـا دمٍ سـرى بالشراييـن
وإحساس كله جاك سمعـاً وطاعـه
وعهدي على عهد الرجال المسميـن
مثل الجبـل ثابـت أساسـه بقاعـه
قلتي إستخارة وإستخرتي تصديـن
وكلن يلملـم مابقـى مـن متاعـه
وأنا أعرف إنـك إستحالـه تبيعيـن
والحـب عنـدك سامـيٍ بإرتفاعـه
لكني مدري وين صرتي وأنا ويـن
وغاب القمر والقلب عنـدك وداعـه
متى على الله من غيابك تعوديـن
ياغاليـة والكـون ضـاق إتساعـه
ومتى على صـوت المعنـا ترديـن
منتي من اللي في عروقـه قطاعـه
ترى العهد يامعاهدتني علـى الديـن
ماهو تضــارب أســهم ولا بضاعـه
عهد الوفا للمـوت براقابنـا ديـن
مانخلفـه رغـم الحسـد والإشاعـه
يمكـن ويمكــن ..لااا أكيد وأكيديــن
لوغبت عني أنتهـي بظــرف ســاعه
ليست هناك تعليقات:
إرسال تعليق