:
:
:
:
:
إكتبيني إرسميني بكيفك إنتـي وش تبيـن
إنصفيني إظلمينـي ماعليـك مـن البشـر
شرديني و إسقي قلبي من مرارات السنيـن
منك إنتي يهون عندي مايجي منـك ضـرر
سوي في قلبي السوايـا المهـم لاتزعليـن
واعديني ولا تجيني نامي ولعينـي السهـر
جربي فيني العذاب إنسـي إنـك ترحميـن
والله افرح من فرحتي لو جرى دمـي نهـر
ولو يلومونك تعالي ..معهم أبداً مـا أليـن
وش دخلهم إنتــي حبي .. كتبـة الله والقـدر
وإرجعي لتعذيبي راضي دام إنـك ترتضيـن
و شّوفي أهل العشق فيني درس وافي بالعبر
إوصفيني بالوصوف الجارحه ولو تطعنيـن
لايهمك كلي فـدوه والمحبـة أكبـر عـذر
وقولي عني ما تبينه وإبعدي عـن كلمتيـن
احـذري لاتوصفينـي بالخيانـه والـغـدر
يشهدالله العالم الله ربـي خيـر الشاهديـن
حبك بروحي مقره وخافقـي لـك مستقـر
كل حياتي لأجلك إنتي وقلبي في يدك رهين
و لو نتايج هالمحبه موتـي مـاادور مفـر
عذبيني دمريني وعندي لـك عـذر سميـن
لوتسائل من تسائل قولـي امسجـل خطـر
وهذي مني مع سلامي ياحياتـي وردتيـن
بآخر أبيات القصيـده يابعـد كـل النظـر
ليست هناك تعليقات:
إرسال تعليق