لاتسألينـي شبـدل اليـوم مـاكـان
صوتك سمعته غيـر بعينـي الكـون
لاتسأليني كيف وش صـار يافـلان
مااقدر أوصف حالتي اليوم وشلـون
صوتك طيور غردت بأعـذب ألحـان
أطلق شعور بداخلي كـان مسجـون
وشفت الهنا يالغاليـة بكـل الألـوان
عقب الضياع وصمت صحرا بلا لون
جيتي وجتني فرحتـي واللقـا حـان
بعد الضما والشوق هليتـي مـزون
وابعد زمان الهجر سافـر بالأحـزان
وعشت الفرح كله بوصلك يامزيـون
انتي يحق لـك شـي ماصارلإنسـان
سنيـن عمـري فدوتـك مايكفـون
كانت حياتي بغيبتك خـوف وأحـزان
رهبه وذهـول بعالـمٍ كلـه جنـون
وآن الأوان لفرحـتـي تكتـمـل آن
وأمسح دموعي من على رمش العيون
لاتفكرين أزعّلك انتـي لـي أوطـان
يالجوهـرة يامـاس يـادر مكنـون
صوتك سمعته غيـر اليـوم ماكـان
لحظة سمعته بـدل بعينـي الكـون
ليست هناك تعليقات:
إرسال تعليق