تطري علي بكل وقت وعلى البـال
ماغبت عني لوه الوصـل مقطـوع
لك بالحشا يامنوة الـروح منـزال
حبك ملكني بداخل القلب مطبـوع
لاتطري الفرقا تـرى البعـد قتـال
واللي يحبك مانوى عنك مرجـوع
حاضر ولوتغيب في كـل الاحـوال
يامن سقيته حب بالقلـب مـزروع
لحظة زعلك يزلزل الجوف زلـزال
يحطم كياني ويصدع القلب بصدوع
نشفـت دمـي بالشرايـن ماسـال
عقب المفارق كنه العمـر منـزوع
الروح راحت ردلي الروح بوصـال
ليلي طويل ٍ كلـه أقضيـه بدمـوع
ثابت غـلاك بداخلـي دوم مـازال
بحبٍ على مايرضي الرب مشـروع
ابيك ترضا اليـوم وتغيـر الحـال
بعهد الوفا والوصل وماابيه مقطوع
.
ياكامل بالزيـن ياعـذب الخصـال
بعقلٍ ذهب ولسان حلـو ٍ ودلـوع
عشقك حقيقة ماهي حروف تنقـال
احرقت أنا عشر الأصابع لك شموع
حاضر معي في كل وقت وعلى البال
ماغبت عني لوه الوصـل مقطـوع
ليست هناك تعليقات:
إرسال تعليق