::
::
::
تحتار بإسمك يالغـلا كـل الأشعـار
وتضيع في عالمك أسمـى المعانـي
معروف عندك دون تبريـر وأعـذار
إن الغـلا بالـروح بــدل كيـانـي
يام العيون الناعسه بشوفهـا أحتـار
أتوه فـي عالمـك وأنسـى مكانـي
وجهك شعاع النور في كـل الأقطـار
جدد حياتي وعشتها إحسـاس ثانـي
إن شفتها فز الخفـوق ولهـا سـار
مـع فزتـه دق الضلـوع ورمانـي
كل الحسـن والزين من نــورك يغـار
مامثلـك بهالكـون قـاص ٍ ودانـي
عجزت أفسر إحساس تسكن به أسرار
في حبـك اللـي تحتظنـه المحانـي
بعدك ثوانـي يقـرب الـروح للنـار
وقربك تعـدى حـدود أبعـد أمانـي
إنتي أمان الروح عن كـل الأخطـار
ونبع الحنان مـن المـوده سقانـي
اللـي يـدور للخطـا فيـك ماصـار
يضيع فـي بحـرك ولالـه موانـي
أسمك يجمـل يالغـلا كـل الأشعـار
وفي روعتك تحتار أسمـى المعانـي
ليست هناك تعليقات:
إرسال تعليق