((( هلــي مثـل مـزن ٍ علـى القـلب وإرويـه )))

.

.

.

::

.

.

.

هلي مثل مزن ٍ على القلب وإرويه

يكفيه يشكي مـن ضمـاه بغيابـك

ردي فرحنـا مثـل ماكـان رديـه

خليني أودع غيبتك في هـلا بـك

من غيرك إنتي ياحياتي أنا أغليـه

جيتك أنا والشـوق ناقـف ببابـك

يافرحـة الدنيـا خفوقـي ملكتيـه

لعمري سعد وافراح يوم الله جابـك

.
.
ردت منـاة الـروح لبيـه لبـيـه

لبيـه مايرضـا فـؤادي بعذابـك

قلبي معك إن كان قلبـك مهاديـه

واحذر عذول ٍ لو حكالـك حكابـك

يضمر سواد بداخله وإنـت تهديـه

بيض النوايا وتصدقه في جوابـك

وعن حاسدينك إحفظ السر وإخفيه

بعض النصايح تبعدك عن صوابـك

.
.
قلت إسمحي لي والردى مانباريـه

غدره سطابي مثل ما هو سطابـك

عهد ٍ علي السر والله مـا افشيـه

جتني الحقايق واضحه في كتابـك

حنا رفعنـا الهـم وحنـا نوطيـه

وحنا على عهد المحبـه نتشابـك

حنا زرعنا الورد واليـوم نسقيـه

واللي إبتديته ياحبيبـي إنتهابـك

.
.
قالت همومك هي همومي ولافيـه

أحـدٍ درابـي ياحبيبـي ودرابـك

ياللي مع الشريان تسري مساريـه

ياحلوها غيرتـك ولحظـة عتابـك

أشري غلاك بدمي مادمت شاريـه

وإبعدعن اللي عن حبيبـك غدابـك

ومن لايقدر الطيب بالك اتخاويـه

رد الجماله غدر وبالظلـم عابـك

.
.
رديت وقلت اليوم قلبك أبي أرضيه

وعن سكة الحسيـد أبعـد جنابـك

مافيه غيرك داخل القلـب مغليـه

وسهم الغلا اللي صابني منك صابك

باقي انا للعهـد ولانـي بناسيـه

ولايكون محسوب العنا في حسابك

ثابت على دربي ولا يوم أبي خطيـه

ومانابني بالهجر أنا ادريـه نابـك

.
.
وقالت يابدرٍ إكتمـل فـي مباديـه

نفس الشعور اللي سرابي سرابـك

طلبت ربي كل وقتي وأنـا أرجيـه

يحفظك من سو البشـر ولشبابـك

.
.
وهلت مثل مزننٍ على القلب تحييه

عقب الضما تزهر حياتي برحابـك

ردي فرحنـا مثـل ماكـان رديـه

خليني أودع غيبتك في هـلا بـك

::